வெண்ணிலாவே!
எல்லை யில்லாதோர் வானக் கடலிடைவெண்ணிலாவே! - விழிக்கின்ப மளிப்பதோர் தீவென் றிலகுவைவெண்ணிலாவே!சொல்லையும் கள்ளையும் நெஞ்சையுஞ் சேர்த்திங்குவெண்ணிலாவே! - நின்றன்சோதி மயக்கும் வகையது தானென்சொல்வெண்ணிலாவே!நல்ல ஒளியின் வகைபல கண்டிலன்வெண்ணிலாவே! - இந்தநனவை மறந்திடச் செய்வது கண்டிலன்வெண்ணிலாவே!கொல்லும் அமிழ்தை நிகர்த்திடுங் கள்ளொன்றுவெண்ணிலாவே! - வந்துகூடியிருக்குது நின்னொளி யோடிங்குவெண்ணிலாவே!மாதர் முகத்தை நினக்கிணை கூறுவர்வெண்ணிலாவே! - அஃதுவயதிற் கவலையின் நோவிற் கெடுவதுவெண்ணிலாவே!காத லொருத்தி இளைய பிராயத்தள்வெண்ணிலாவே! - அந்தக்காமன்றன் வில்லை யிணைத்த புருவத்தள்வெண்ணிலாவே!மீதெழும் அன்பின் விளைபுன் னகையினள்வெண்ணிலாவே! - முத்தம்வேண்டிமுன் காட்டு முகத்தின் எழிலிங்குவெண்ணிலாவே!சாதல் அழிதல் இலாது நிரந்தரம்வெண்ணிலாவே! - நின்தண்முகந் தன்னில் விளங்குவ தென்னைகொல்?வெண்ணிலாவே!நின்னொளி யாகிய பாற்கடல் மீதிங்குவெண்ணிலாவே! - நன்குநீயும் அமுதும் எழுந்திடல் கண்டனன்வெண்ணிலாவே!மன்னு பொருள்க ளனைத்திலும் நிற்பவன்வெண்ணிலாவே! - அந்தமாயன் அப் பாற்கடல் மீதுறல் கண்டனன்வெண்ணிலாவே!துன்னிய நீல நிறத்தள் பராசக்திவெண்ணிலாவே! - இங்குதோன்றும் உலகவ ளேயென்று கூறுவர்வெண்ணிலாவே!பின்னிய மேகச் சடைமிசைக் கங்கையும்வெண்ணிலாவே! - நல்லபெட்புற நீயும் விளங்குதல் கண்டனன்வெண்ணிலாவே!காதலர் நெஞ்சை வெதுப்புவை நீயென்பர்வெண்ணிலாவே! - நினைக்காதல் செய்வார் நெஞ்சிற் கின்னமு தாகுவைவெண்ணிலாவே!சீத மணிநெடு வானக் குளத்திடைவெண்ணிலாவே! - நீதேசு மிகுந்தவெண் தாமரை போன்றனைவெண்ணிலாவே!மோத வருங்கரு மேகத் திரளினைவெண்ணிலாவே! - நீமுத்தி னொளிதந் தழகுறச் செய்குவைவெண்ணிலாவே!தீது புரிந்திட வந்திடும் தீயர்க்கும்வெண்ணிலாவே! - நலஞ்செய்தொளி நல்குவர் மேலவ ராமன்றோ?வெண்ணிலாவே!மெல்லிய மேகத் திரைக்குள் மறைந்திடும்வெண்ணிலாவே! - உன்றன்மேனி யழகு மிகைபடக் காணுதுவெண்ணிலாவே!நல்லிய லார்யவ னத்தியர் மேனியைவெண்ணிலாவே! - மூடுநற்றிரை மேனி நயமிகக் காட்டிடும்வெண்ணிலாவே!சொல்லிய வார்த்தையில் நாணுற்றனை போலும்வெண்ணிலாவே! - நின்சோதி வதனம் முழுதும் மறைத்தனைவெண்ணிலாவே!புல்லியன் செய்த பிழைபொறுத் தேயருள்வெண்ணிலாவே! - இருள்போகிடச் செய்து நினதெழில் காட்டுதிவெண்ணிலாவே!
ellai yillaathoar vaanak katalitai vennilaavae! - vizhik kinpa malippathoar theeven rilakuvai vennilaavae! sollaiyum kallaiyum nenjaiyunj saerththingku vennilaavae! - ninran soathi mayakkum vakaiyathu thaanensol vennilaavae! nalla oliyin vakaipala kantilan vennilaavae! - intha nanavai maranthitas seyvathu kantilan vennilaavae! kollum amizhthai nikarththitung kallonru vennilaavae! - vanthu kootiyirukkuthu ninnoli yoatingku vennilaavae! maathar mukaththai ninakkinai kooruvar vennilaavae! - aஃthu vayathir kavalaiyin noavir ketuvathu vennilaavae! kaatha loruththi ilaiya piraayaththal vennilaavae! - anthak kaamanran villai yinaiththa puruvaththal vennilaavae! meethezhum anpin vilaipun nakaiyinal vennilaavae! - muththam vaentimun kaattu mukaththin ezhilingku vennilaavae! saathal azhithal ilaathu nirantharam vennilaavae! - nin thanmukan thannil vilangkuva thennaikol? vennilaavae! ninnoli yaakiya paarkatal meethingku vennilaavae! - nanku neeyum amuthum ezhunthital kantanan vennilaavae! mannu porulka lanaiththilum nirpavan vennilaavae! - antha maayan ap paarkatal meethural kantanan vennilaavae! thunniya neela niraththal paraasakthi vennilaavae! - ingku thoanrum ulakava laeyenru kooruvar vennilaavae! pinniya maekas sataimisaik kangkaiyum vennilaavae! - nalla petpura neeyum vilangkuthal kantanan vennilaavae! kaathalar nenjai vethuppuvai neeyenpar vennilaavae! - ninaik kaathal seyvaar nenjir kinnamu thaakuvai vennilaavae! seetha maninetu vaanak kulaththitai vennilaavae! - nee thaesu mikunthaven thaamarai poanranai vennilaavae! moatha varungkaru maekath thiralinai vennilaavae! - nee muththi nolithan thazhakuras seykuvai vennilaavae! theethu purinthita vanthitum theeyarkkum vennilaavae! - nalanj seytholi nalkuvar maelava raamanroa? vennilaavae! melliya maekath thiraikkul marainthitum vennilaavae! - unran maeni yazhaku mikaipatak kaanuthu vennilaavae! nalliya laaryava naththiyar maeniyai vennilaavae! - mootu narrirai maeni nayamikak kaattitum vennilaavae! solliya vaarththaiyil naanurranai poalum vennilaavae! - nin soathi vathanam muzhuthum maraiththanai vennilaavae! pulliyan seytha pizhaiporuth thaeyarul vennilaavae! - irul poakitas seythu ninathezhil kaattuthi vennilaavae!
பொருள்
வெண்ணிலாவே! எல்லையில்லாத வானக் கடலின் நடுவே கண்ணுக்கு இன்பம் தரும் ஒரு தீவு போல விளங்குகிறாய். சொல்லையும் கள்ளையும் நெஞ்சையும் சேர்த்து இங்கே உன் சோதி மயக்கும் வகையை என்னவென்று சொல்வேன்! நல்ல ஒளியின் பல வகைகளைக் கண்டேன்; ஆனால் இப்படி விழிப்பு நிலையையே மறக்கச் செய்யும் ஒளியைக் கண்டதில்லை. கொல்லும் அமுதத்துக்கு நிகரான ஒரு கள் உன் ஒளியோடு இங்கே வந்து கூடியிருக்கிறது!
பெண்களின் முகத்தை உனக்கு இணையாகச் சொல்வார்கள்; ஆனால் அது வயதாலும் கவலையாலும் நோயாலும் கெட்டுப் போகும். இளம் பருவத்தவளும், மன்மதனின் வில்லை ஒத்த புருவத்தவளும், பொங்கும் அன்பால் விளையும் புன்னகையினளுமான ஒரு காதலி முத்தம் வேண்டி முன் காட்டும் முகத்தின் அழகு - சாவும் அழிவும் இல்லாமல் என்றும் உன் குளிர்ந்த முகத்தில் விளங்குவது என்ன விந்தை!
உன் ஒளியாகிய பாற்கடல் மேல் நீயும் அமுதமும் எழுந்ததைக் கண்டேன். நிலைத்த பொருள்கள் அனைத்திலும் நிற்கும் அந்த மாயன் (திருமால்) அந்தப் பாற்கடல் மேல் இருப்பதைக் கண்டேன். அடர்ந்த நீல நிறத்தவளான பராசக்தியே இங்கே தோன்றும் உலகம் என்று சொல்வார்கள்; பின்னிய மேகம் போன்ற (சிவனின்) சடையின் மேல் கங்கையோடு நீயும் அழகாக விளங்குவதைக் கண்டேன்.
காதலர்களின் நெஞ்சை நீ வெதுப்புவாய் என்று சொல்வார்கள்; ஆனால் உன்னைக் காதலிப்பவர்களின் நெஞ்சுக்கு இனிய அமுதமாவாய். குளிர்ந்த அழகிய நீண்ட வானக் குளத்தில் நீ ஒளி மிகுந்த வெண்தாமரை போல் இருக்கிறாய். உன்னை மோத வரும் கரிய மேகக் கூட்டத்துக்கும் நீ முத்தின் ஒளியைத் தந்து அழகுறச் செய்கிறாய். தீமை செய்ய வரும் தீயவர்களுக்கும் நன்மை செய்து ஒளி தருபவர்களே மேலோர் அல்லவோ?
மெல்லிய மேகத் திரைக்குள் மறையும்போது உன் மேனி அழகு இன்னும் மிகுதியாகத் தெரிகிறது - நல்லியல்புடைய யவனப் பெண்களின் மேனியை மூடும் நல்ல மெல்லிய ஆடை மேனியின் அழகை மிகுதியாகக் காட்டுவது போல. நான் சொன்ன வார்த்தையால் நாணமுற்றாய் போலும் - உன் சோதி முகம் முழுவதையும் மறைத்துவிட்டாய்! இழிந்தவன் செய்த பிழையைப் பொறுத்து அருள்வாய்; இருளைப் போகச் செய்து உன் அழகைக் காட்டுவாய், வெண்ணிலாவே!
Meaning
White Moon! In the midst of the boundless ocean of the sky you shine like an island that gives joy to the eye. How shall I describe the way your light here intoxicates, mingling word and wine and heart! I have seen many kinds of good light, but never one that makes me forget waking itself. A wine equal to a nectar that kills has come and joined with your light here!
They compare women's faces to you; but those are spoiled by age, worry and illness. The beauty of the face a young beloved offers, seeking a kiss - she of youthful age, with brows like Manmatha's bow, with a smile ripened by welling love - how wondrous that it shines forever on your cool face, with no death or decay!
I saw you and the nectar rise on the Milk Ocean that is your light. I saw that Mayan (Vishnu), who abides in all enduring things, resting on that Milk Ocean. They say Parashakti of deep blue colour is herself the world that appears here; I saw you shining beautifully with Ganga on the braided, cloud-like locks (of Shiva).
They say you scorch the hearts of lovers; but to the hearts of those who love you, you are sweet nectar. In the cool, jewelled, long pool of the sky you are like a radiant white lotus. Even to the host of dark clouds that come to strike you, you give the light of pearl and make them lovely. Are not the noble those who do good and give light even to the wicked who come to harm them?
When you hide behind a thin veil of cloud, the beauty of your form shows even more - as a fine thin garment covering the form of graceful Yavana women shows its beauty all the more. It seems you were shy at the words I spoke - you have hidden your whole shining face! Forgive the fault of this lowly one; drive away the darkness and show your beauty, White Moon!
சொற்பொருள் Word by word
- இலகுவை
- you shine
- கள்
- wine, toddy
- நனவு
- the waking state
- கொல்லும் அமிழ்து
- a nectar that kills (overpowering bliss)
- பிராயம்
- age
- காமன்
- Manmatha, god of love
- தண்முகம்
- cool face
- மாயன்
- Vishnu, the wondrous one
- துன்னிய
- dense, deep
- சடை
- matted locks (of Shiva)
- பெட்பு
- beauty, delight
- வெதுப்புவை
- you scorch
- தேசு
- radiance
- யவனத்தியர்
- Yavana (Greek/Western) women
- திரை
- veil, screen
- புல்லியன்
- a lowly one
விளக்கம்
நிலவைப் பற்றிய பாரதியின் மிக அழகிய பாடல் இது. ஒவ்வொரு வரியும் 'வெண்ணிலாவே!' என்ற விளியோடு முடியும் அமைப்பு, நிலவைப் பார்த்துக்கொண்டே பாடும் ஒருவனின் இயல்பான பேச்சு போல் ஒலிக்கிறது.
பாட்டு மெல்ல மெல்லச் சமயக் காட்சிகளுக்குள் செல்கிறது. நிலவொளியே பாற்கடல்; அதிலிருந்து சந்திரனும் அமுதமும் எழுந்தனர் (பாற்கடல் கடைந்த புராணக் கதை - சந்திரன் பாற்கடலில் பிறந்தவன்); அதில் திருமால் துயில்கிறான்; சிவனின் சடையில் கங்கையோடு பிறை. ஒரே நிலவில் வைணவமும் சைவமும் சாக்தமும் ஒருசேரக் காணப்படுகின்றன.
பாட்டின் அறக் கருத்து: 'தீது புரிந்திட வந்திடும் தீயர்க்கும் நலம் செய்து ஒளி நல்குவர் மேலவர் அன்றோ?' - நிலவை மறைக்க வரும் கருமேகத்துக்கும் நிலவு முத்தொளி தருகிறது. 'இன்னா செய்தாரை ஒறுத்தல் அவர் நாண நன்னயம் செய்து விடல்' என்ற திருக்குறளின் அழகிய உவமை. கடைசியில் கவிஞனின் புகழ்ச்சிக்கு நாணி நிலவு மேகத்துள் மறைகிறது - மென்மையான நகைச்சுவையோடு பாட்டு முடிகிறது.
Explanation
This is Bharathiyar's loveliest song to the moon. Each line ending in the call 'Vennilave!' sounds like the natural speech of someone singing while gazing at the moon.
The song slowly moves into sacred visions. Moonlight is the Milk Ocean; from it rose the Moon and the nectar (in the Puranic churning of the ocean, the Moon is born from the Milk Ocean); on it Vishnu sleeps; on Shiva's matted locks the crescent shines with Ganga. In the one moon, Vaishnava, Shaiva and Shakta visions are seen together.
The moral of the song: 'Are not the noble those who do good and give light even to the wicked who come to harm them?' The moon gives pearl-light even to the dark cloud that comes to hide it - a beautiful image of the Tirukkural's 'Punish those who harm you by shaming them with kindness'. At the end the moon, shy at the poet's praise, hides behind a cloud, and the song closes with gentle humour.
சிந்தனைக்கு
நிலவு தன்னை மறைக்க வரும் மேகத்துக்கும் முத்தொளி தருகிறது. உங்களுக்குத் தீங்கு செய்ய வந்த ஒருவருக்கு ஒளி தர முடியுமா?
To reflect on
The moon gives pearl-light even to the cloud that comes to hide it. Could you give light to someone who came to harm you?