சங்கம்

மதுரையில் பாண்டிய மன்னர்கள் நடத்திய மூன்று சங்கங்களைப் பற்றி மரபு சொல்கிறது. முதற்சங்கத்தில் சிவபெருமானும் முருகனும் அகத்தியரும் வீற்றிருந்ததாக இறையனார் களவியல் உரை கூறுகிறது.

எட்டுத்தொகையும் பத்துப்பாட்டும் அகம் (அன்பு) புறம் (வீரம், கொடை) என்று வாழ்வைப் பாடுகின்றன. பத்துப்பாட்டு முருகனைப் போற்றும் திருமுருகாற்றுப்படையுடன் தொடங்குகிறது. பதினெண்கீழ்க்கணக்கு அறம் சொல்லும் பதினெட்டு நூல்கள்; திருக்குறளும் இன்னா நாற்பதும் இவற்றுள் அடங்கும்.