முருகன் பாட்டு
வீரத் திருவிழிப் பார்வையும் - வெற்றிவேலும் மயிலும்என் முன்னின்றே - எந்தநேரத் திலும்என்னைக் காக்குமே; - அன்னைநீலி பராசக்தி தண்ணருட் - கரைஓரத்திலே புணை கூடுதே; - கந்தன்ஊக்கத்தை என்னுளம் நாடுதே; - மலைவாரத் திலேவிளை யாடுவான் - என்றும்வானவர் துன்பத்தைச் சாடுவான்.வேடர் கனியை விரும்பியே - தவவேடம் புனைந்து திரிகுவான்; - தமிழ்நாடு பெரும்புகழ் சேரவே - முனிநாதனுக் கிம்மொழி கூறுவான்; - சுரர்பாடு விடிந்து மகிழ்ந்திட - இருட்பார மலைகளைச் சீறுவான்; - மறையேடு தரித்த முதல்வனும் - குருஎன்றிட மெய்ப்புகழ் ஏறுவான்.தேவர் மகளை மணந்திடத் - தெற்குத்தீவி லசுரனை மாய்த்திட்டான்; - மக்கள்யாவருக் குந்தலை யாயினான்; - மறைஅர்த்த முணர்த்துநல் வாயினான்; - தமிழ்ப்பாவலர்க் கின்னருள் செய்குவான்; - இந்தப்பாரில் அறமழை பெய்குவான்; - நெஞ்சின்ஆவ லறிந்தருள் கூட்டுவான்; - நித்தம்ஆண்மையும் வீரமும் ஊட்டுவான்.தீவளர்த் தேபழ வேதியர் - நின்தன்சேவகத் தின்புகழ் காட்டினார்; - ஒளிமீவள ருஞ்செம்பொன் நாட்டினார்; - நின்றன்மேன்மையி னாலறம் நாட்டினார்; - ஜய!நீவள ருங்குரு வெற்பிலே - வந்துநின்றுநின் சேவகம் பாடுவோம் - வரம்ஈவள் பராசக்தி யன்னைதான் - உங்கள்இன்னருளே யென்று நாடுவோம். (வீரத்)
veerath thiruvizhip paarvaiyum - verri vaelum mayilumen munninrae - entha naerath thilumennaik kaakkumae; - annai neeli paraasakthi thannarut - karai oaraththilae punai kootuthae; - kanthan ookkaththai ennulam naatuthae; - malai vaarath thilaevilai yaatuvaan - enrum vaanavar thunpaththais saatuvaan. vaetar kaniyai virumpiyae - thava vaetam punainthu thirikuvaan; - thamizh naatu perumpukazh saeravae - muni naathanuk kimmozhi kooruvaan; - surar paatu vitinthu makizhnthita - irut paara malaikalais seeruvaan; - marai yaetu thariththa muthalvanum - kuru enrita meyppukazh aeruvaan. thaevar makalai mananthitath - therkuth theevi lasuranai maayththittaan; - makkal yaavaruk kunthalai yaayinaan; - marai arththa munarththunal vaayinaan; - thamizhp paavalark kinnarul seykuvaan; - inthap paaril aramazhai peykuvaan; - nenjin aava larintharul koottuvaan; - niththam aanmaiyum veeramum oottuvaan. theevalarth thaepazha vaethiyar - ninthan saevakath thinpukazh kaattinaar; - oli meevala runjempon naattinaar; - ninran maenmaiyi naalaram naattinaar; - jaya! neevala rungkuru verpilae - vanthu ninrunin saevakam paatuvoam - varam eeval paraasakthi yannaithaan - ungkal innarulae yenru naatuvoam. (veerath)
பொருள்
முருகனின் வீரத் திருவிழிப் பார்வையும், வெற்றி வேலும், மயிலும் என் முன் நின்று எந்த நேரத்திலும் என்னைக் காக்கும். அன்னை நீலி பராசக்தியின் குளிர்ந்த அருள் என்னும் கடலின் கரையோரத்தில் என் தோணி சேருகிறது. கந்தனின் ஊக்கத்தை என் உள்ளம் நாடுகிறது. அவன் மலைச்சாரலில் விளையாடுவான்; என்றும் தேவர்களின் துன்பத்தை ஒழிப்பான்.
வேடர் குலத்துக் கனியான வள்ளியை விரும்பி, தவசி வேடம் பூண்டு திரிந்தான். தமிழ்நாடு பெரும் புகழ் பெறும்படி அகத்திய முனிவருக்குத் தமிழ் மொழியைக் கற்பித்தான். தேவர்களின் துன்ப இரவு விடிந்து மகிழும்படி, இருள் நிறைந்த பாரமான மலைகளைச் சீறி அழித்தான். வேதச் சுவடியை ஏந்திய முதல்வனான பிரமனும் 'குரு' என்று போற்ற, உண்மைப் புகழில் உயர்ந்தான்.
தேவர் மகளான தெய்வயானையை மணக்கவும், தெற்குத் தீவில் இருந்த அசுரனை அழிக்கவும் செய்தான். மக்கள் எல்லோருக்கும் தலைவன் ஆனான். வேதத்தின் பொருளை உணர்த்தும் நல்ல வாய் உடையவன். தமிழ்ப் புலவர்களுக்கு இனிய அருள் செய்வான்; இந்த உலகில் அறம் என்னும் மழையைப் பெய்விப்பான்; நெஞ்சின் ஆவலை அறிந்து அருள் சேர்ப்பான்; நாளும் ஆண்மையும் வீரமும் ஊட்டுவான்.
பழைய வேதியர் தீ வளர்த்து உன் சேவையின் புகழைக் காட்டினார்கள்; ஒளி மிகும் செம்பொன் நாட்டை நிலைநாட்டினார்கள்; உன் மேன்மையால் அறத்தை நிலைநிறுத்தினார்கள். ஜய! நீ வளரும் மலைகளுக்கு வந்து நின்று உன் சேவையைப் பாடுவோம். வரம் தருபவள் அன்னை பராசக்தியே; 'உங்கள் இன்னருளே வேண்டும்' என்று நாடுவோம்.
Meaning
The heroic gaze of Murugan's holy eyes, his victorious spear and his peacock stand before me and guard me at every hour. My raft is coming to the shore of the cool ocean of grace of the Mother, Neeli Parashakti. My heart seeks the zeal of Kandan. He plays on the slopes of the hills, and he always crushes the sufferings of the gods.
Longing for Valli, the fruit of the hunters' clan, he wandered in the guise of an ascetic. So that the Tamil land might win great fame, he taught this language to the sage Agastya. So that the long night of the gods might break into dawn, he raged against the heavy mountains of darkness. Even the First One who holds the Veda called him guru, and he rose in true glory.
He married Deivayanai, daughter of the gods, and slew the asura on the southern island. He became the leader of all people. His good mouth makes the meaning of the Veda understood. He gives sweet grace to Tamil poets; he makes the rain of dharma fall on this earth; he knows the heart's longing and adds his grace to it; every day he feeds us courage and valour.
The Vedic sages of old raised the sacred fire and showed the glory of serving you; they founded a land of shining red gold; through your greatness they established dharma. Jaya! We will come to the hills where you grow, and stand there and sing of serving you. The one who grants boons is Mother Parashakti herself; we will seek her, saying, 'your sweet grace is all we want'.
சொற்பொருள் Word by word
- நீலி
- a name of Parvati, the dark one
- புணை
- raft, float
- மலைவாரம்
- mountain slope
- சாடுதல்
- to strike, crush
- முனிநாதன்
- the chief of sages, Agastya
- சுரர் பாடு
- the suffering of the gods
- மறையேடு
- the palm-leaf book of the Veda
- வேதியர்
- Vedic sages, brahmins
- மீவளரும்
- growing exceedingly bright
விளக்கம்
இப்பாட்டில் முருகன் தமிழின் தெய்வமாகவும், வேதத்தின் தெய்வமாகவும் ஒரே நேரத்தில் வருகிறான். அகத்தியருக்குத் தமிழ் கற்பித்தவன் முருகன் என்ற மரபுக் கதை இங்கு உள்ளது; அதே முருகன் 'மறை அர்த்தம் உணர்த்தும் வாய்' உடையவன். தமிழும் வேதமும் பிரிக்கப்படவில்லை.
'மறையேடு தரித்த முதல்வனும் குரு என்றிட' என்பது பிரணவத்தின் பொருள் தெரியாத பிரமனைச் சிறையிலிட்டு, சிவனுக்கே ஓமின் பொருளை உபதேசித்த சுவாமிநாதன் கதையை நினைவூட்டுகிறது.
இறுதிப் பகுதியில் பாரதி வேதகால ரிஷிகள் தீ வளர்த்து முருகனைப் போற்றியதைச் சொல்கிறார். அக்னியும் முருகனும் ஒன்றே என்ற பழைய கருத்து இதில் உள்ளது. அந்த அக்னி வேள்வியின் வழியே அறமும் செல்வமும் நாட்டில் நிலைத்தன என்பது பாரதியின் நம்பிக்கை.
Explanation
In this song Murugan is at once the god of Tamil and the god of the Veda. The tradition that he taught Tamil to Agastya is here, and the same Murugan has 'the mouth that makes the meaning of the Veda understood'. Tamil and Veda are not set apart.
'Even the First One who holds the Veda called him guru' recalls the story of Swaminathan: Murugan imprisoned Brahma, who could not explain the Pranava, and then taught the meaning of Om to Shiva himself.
The last part tells how the Vedic sages raised the sacred fire to praise him. Behind this is the old understanding that Agni and Skanda are one. Through that fire of sacrifice, Bharathiyar believes, dharma and prosperity were established in the land.
சிந்தனைக்கு
'நெஞ்சின் ஆவல் அறிந்து அருள் கூட்டுவான்' - உங்கள் நெஞ்சின் உண்மையான ஆவல் என்ன?
To reflect on
'He knows the heart's longing and adds his grace to it' - what is your heart's real longing?