பட்டினப்பாலை
அடிகள் 201–210 · கடியலூர் உருத்திரங் கண்ணனார்
நல்லனெடு பகடோம்பியும்நான்மறையோர் புகழ்பரப்பியும்பண்ணியம் அட்டியும் பசும்பதங் கொடுத்தும்புண்ணிய முட்டாத் தண்ணிழல் வாழ்க்கைக்கொடுமேழி நசையுழவர்நெடுநுகத்துப் பகல்போலநடுவுநின்ற நன்னெஞ்சினோர்வடுவஞ்சி வாய்மொழிந்துதமவும் பிறவு மொப்ப நாடிக்கொள்வதூஉ மிகைகொளாது கொடுப்பதூஉங் குறைகொடாது
நல்ல பசுக்களோடு எருதுகளைப் பரிகரித்தும், அந்தணர்க்கு உண்டாம் புகழ்களைத் தாங்கள் அவர்க்கு நிலைபெறுத்தியும், பெரிய புண்ணியங்களைத் தாங்கள் பண்ணி அவற்றைச் செய்யமாட்டாதார்க்குத் தானம் பண்ணியும், விளைந்த நெல்லையும் பறிக்கும் கமுகையும் உணவாகக் கொடுத்தும், இங்ஙனம் செய்யும் அறத் தொழில்கள் முட்டுப்படாத குளிர்ந்த அருளோடு வாழும் இல்வாழ்க்கையை உடைய, வளைந்த மேழியால் உழவுத் தொழிலை நச்சுதலையுடைய உழவரது நெடிய நுகத்திற்றைத்த பகலாணி போல நடுவுநிலை என்னும் குணம் நிலைபெற்ற நல்ல நெஞ்சினையுடையோர், தம் பல சரக்குகளையும் பிற பல சரக்குகளையும் பொருளொப்ப ஆராய்ந்து, தம் குடிக்கு வடுவாம் என்று அஞ்சி மெய்யே சொல்லி, தாம் கொள்ளும் சரக்கையும் மிகையாகக் கொள்ளாது, தாம் கொடுக்கும் சரக்கையும் வாங்கும் பொருட்குக் குறையக் கொடாமல், இலாபத்தை வெளியாகச் சொல்லிக் கொடுத்து —
They tend the good cows with the bulls; they make firm the fame that belongs to the brahmins; they perform great merits and give alms for those who cannot; they give the ripened paddy and the areca to eat — a household life whose works of virtue never fail, lived in a cool and unfailing kindness. And like the middle nail of the long yoke between the ploughmen who love the work of the curved plough, they are men of good heart in whom the virtue of the middle way stands firm. They weigh their own goods and other men's goods honestly; they speak the truth because they fear a stain on their house; they take no excess in what they receive and give no short measure in what they give; they name their profit openly —
இந்தப் பத்தின் மிக அழகான உவமை: நுகத்தின் நடு ஆணி. அதாவது வணிகரின் நேர்மை ஒரு வண்டியின் சமநிலை போல — அது திரும்பினால் வண்டி ஓடாது.
"வடு அஞ்சி வாய்மொழிந்து" — தன் குடிக்குக் கறை வரும் என்று அஞ்சி உண்மை சொல்கிறான். அதாவது நேர்மை அறத்தால் அல்ல, குடும்ப மானத்தால். இது சங்க சமூகத்தின் இயல்பு.
The finest figure here is the middle nail of the yoke: a merchant's honesty is a cart's balance — if it turns, the cart will not run.
"Speaking truth for fear of a stain on his house": honesty comes not from principle but from family honour. That is the character of Sangam society.
அடிகள் 201–210 · கடியலூர் உருத்திரங் கண்ணனார்
Lines 201–210 · Kadiyalur Uruttirankannanar
குடும்ப மானத்தால் வரும் நேர்மை அறத்தால் வரும் நேர்மையை விட நிலைத்திருக்குமா?
Is honesty from family honour more lasting than honesty from principle?