பட்டினப்பாலை
அடிகள் 61–70 · கடியலூர் உருத்திரங் கண்ணனார்
இருங்கிளை யினனொக்கற்கருந்தொழிற் கலிமாக்கள்கடலிறவின் சூடுதின்றும்வயலாமைப் புழுக்குண்டும்வறளடும்பின் மலர்மலைந்தும்புனலாம்பற் பூச்சூடியும்நீனிற விசும்பின் வலனேர்பு திரிதரும்நாண்மீன் விராய கோண்மீன் போலமலர்தலை மன்றத்துப் பலருடன் குழீஇக்கையினுங் கலத்தினு மெய்யுறத் தீண்டிப்
ஓரினச் சுற்றத்தையும் வலிய தொழிலையும் உடைய செருக்கின பரதவர் பிள்ளைகள், கடலில் இறாக்களின் இனிய சுடப்பட்ட இறைச்சியைத் தின்றும், வயலில் ஆமையைப் புழுக்கின இறைச்சியை உண்டும், மணலிலே படர்ந்த அடம்பம் பூவைத் தலையிலே கட்டியும், நீரினின்ற ஆம்பற் பூவைப் பறித்துச் சூடியும், நீலநிறத்தையுடைய ஆகாயத்தில் வலமாக எழுந்து திரியும் நாட்களாகிய மீன்களோடே கலந்த கோள்களாகிய மீன்கள் போல, அகன்ற இடத்தையுடைய மன்றிலே மேழகக் கிடாயோடே சிவலையுங் கொண்டு பொருவித்து விளையாடும்படி பலரும் சேரத் திரண்டு, கையாலும் கலத்தாலும் ஒருவர் மெய்யோடு ஒருவர் மெய் உறும்படி தீண்டி —
The proud children of the fisher folk — one kin, hard-working — have eaten the sweet roast of the ira fish from the sea, and the flesh of the turtle boiled in the field; they have bound the adambu flowers that spread on the sand into their hair, and plucked the ampal from the water to wear. And like the planets moving among the stars that rise rightward in the blue sky, they gather in the wide square with many others, and set the he-goat against the sival bird to fight, and touch each other body to body with hand and with vessel —
இந்தப் பத்தில் மிக அழகான உவமை: பரதவர் பிள்ளைகள் வானத்தில் கோள்களும் விண்மீன்களும் கலப்பது போலக் கூடுகிறார்கள். அதாவது கடற்கரை மக்களின் கூட்டம் ஒரு வானியல் நிகழ்வு.
கவனிக்க: இவர்கள் மீனும் ஆமையும் உண்கிறார்கள், பூக்கள் சூடுகிறார்கள், சண்டை வேடிக்கை பார்க்கிறார்கள். அதாவது இவர்கள் வாழ்க்கை முழுமையானது — வேலையும் விளையாட்டும் ஒன்று.
A lovely figure: the fisher children gather as planets mingle with the stars. Their crowd is an astronomical event.
They eat fish and turtle, wear flowers, and watch a fight for sport. Their life is whole — work and play are one thing.
அடிகள் 61–70 · கடியலூர் உருத்திரங் கண்ணனார்
Lines 61–70 · Kadiyalur Uruttirankannanar
வேலையும் விளையாட்டும் பிரியாத வாழ்க்கை எப்படிப்பட்டது?
What kind of life does not separate work from play?